Sachen zum Lachen
Computer-Anleitung auf hessisch
|
SYLVIE 965 Beiträge
08.07.2006
|
Kombjuder-Eischald-Zeddel fer Auswerddische
Kabiddel 1: Saft druff
Am Kasde unnerm Scherm de reschde Knobb neidrigge bisser einrast. Uffbasse: es huubt.
Huubts net: Gibt´s net, noch net bassiert. Knobb muss!!! drinbleiwe. Des Bernsche-wo links newer dem Knobb wo mer neidrigge muss leit-iss die Bern wo brenne muss, damit mer waas, dass des Ding Saft hot. (Wenn die Bern net brennt hot des Ding kaan Saft.
Dann: Net lang maule, erst gugge ob die-die hinne aus dem Ding wo der Knobb draa iss, den mer neidrigge muss- in dere Dohs drinnsteggt, die mit dem Iwwerlandwerg zusammenhengt. Iss die Schnur draa, dann aaner rufe, der wo die Bern zum Brenne bringt.
Kabiddel 2: Umschald-Knobb drigge
Der Knobb-der wo uff dem annern Ding, da wo all die annern Knebb aach druff sinn-der wo zwaa Pfeischer owwe druff hot unn wo die grie Bern unnedrunner iss, runnerdrigge. ( Nur aamohl). Brennt die grie Bern, isses gut! Brennt se net, aach.
Kabiddel 3: Aamelde
Eigewwe von dene Knebb-die wo uff dem annern Ding, wo all die annern Knebb aach druff sinn, do wo aach der Knobb mit dene zwaa Pfeilscher un dere grie Bern druff iss-die Knebb drigge, die mer drigge muss, wemmer sich aamelde will. Des hassd: Mer muss die Knebb drigge, wie mer haasd. Drigt mer die falsche Knebb, haasd mer net so. Des haasd: Mer muss unbedingt die rischdische Knebb drigge.
Kabiddel 4: Aagemeld
Wemmer drinn sinn, SCHAFFE!!
Kabiddel 5: Abschalde
Uff de Scherm gugge, awwer konsegwent unn wadde bisses gracht odder die Uhr schdehd.
Dann: Zusammepagge unn nix wie haam.
|
|
|
Permalink
|